مع مرور الوقت …

بقلم الشاعره … إيمان سعيد

مع مرور الوقت في البعد بيقل الوجع

و رغم الألم قادرة أمسح الدمع

و مهما شفت انا قلبي لسه جدع

و كل يوم بيمر الضحكة علي الوش تتزرع

بتحمل فوق ما يتحمله بشر أصله انا جمل

ومهما شال القلب هموم حيفضل صامد زي الجبل 

و ياما دقت علي الراس طبول 

بس ايه حصل

شيال الحمول

لساه شايل 

مهما تقلت الحمايل

ويقول للزمن شيلني ده انا جبل

 ما يهزك ريح يا جبل 

صابر دايما و شايل 

من الهموم حمايل 

ولا عمرك للهم نخيت ما انت أصيل 

و دايما شايل

هاتي يادنيا كل اللي عندك لا تحمليني جمايل

و مهما شلت حفضل جبل و للهموم شايل 

بقلم الشاعره … إيمان سعيد