كلمات
معوض حلمي
…… مالهوش داعي …….
مالهوش داعي
إنك تشرح للأموات حكايات
عن واد فارس شايل نبوت
جاي مـن عالـم تاني بعــيد
هايعــيد الـــــروح جـواهــم
وهايجمع من أحزانهم توت
حاول تزرع جواهم إحساس
إعـزق ف ضمـيرهم بالفـاس
الناس مـش عايزه المعدول
الناصح ليهم وسـديد القـول
النول المشدود بينادي الغزل
والعالـم لسه ف أوضة العزل
الحـرب الـدايــره طاعـــــون
ومفيش دكتور ولافيه إسعاف
والحلم المحبوس ف سرنجه
مشــــــتاق لـوريد الحـــــريه
والشاعر بس المـؤمن بقضيه
يايعلن رفضه للأوضاع ويسب
يايقعد وياالبايعين ويقزقز لب
ـــــــــــــــــــــــــــــــــــــــــــــــ
كلمات
معوض حلمي شاعر عامية
Discussion about this post