جى أمتى …؟!

جى امتى ولا حتى متجيش
مش هتفرق ميهمنيش
يعنى هى أول مرة تمشى
ماانت ياما سيبت الجرح مفتوح ومشيت
خلاص كدة عرفت اصلك وطبعك
علشان كدة بقولك مش فارقلى
تيجى يعنى ولا تمشى
استنيتك كتير فى وقت كنت محتاجلك بس ياخسارة مكنتش معايا
موجود جمبى بس مش بقلبك
ولاعمرك فهمت اللى جوايا
خسارة الوقت اللى ضيعته معاك
بس ملحوقة هعوضه وانا بنساك
فيها ايه زرعنا وردة وشوكها وجعنا
نزرع بدالها الف وردة فى بستان
والشوك اللى بيجرح بيعلمنا
منسلمش وندى الامان
صاحب جدع بس يلزمنى
احسن من مية مش جدعان
يقف جمبك فى شدة ويسندك
ويبقى بالنسبالك بر امان
قرب من اللى يفمهك وياخد وبدى
مش بس اللى يسرق من عمرك ويجرى
ساعتها هتعرف انك كسبان
وعلى حبك مش هتكون ندمان
اصل العبرة مش بكترة ناس
حواليك كتير مالهمش لازمة
وقليل اللى يسوى الماس
والباقى بتلاقيه لما يكون عنده أزمة
اتعلم بقى وفوق ياجميل
صحصح وفوق لنفسك وبس
امسك بأيديك فى الاصيل
والباقى سيبه يمشى وسمع هس !!!!