مــرت …

شاعر العاميه … خيرى حسنى

مرت أيام وسنين وليالي
وإحنا بنعد كم مرةإشتكينا
من همومنا ال شيلينها
على اكتافنا تهد جبال
كسرانا وعدمانا
كتمه الضحكه جوانا
فيهم كم مرة
أعمانا الحزن
وإشبعنا بكا وتناهيد
وذرفنا دموع
وإنسينا البهجه وفرحتنا
وإيه بتكون
لما تبان من وجه جميل
ياسلام لو كانت من
طفلة بريئة بلون
السما الصافيه
بدون سحابة
ولاغيوم ليها طلة
من اعينيها تحليهم.
مرت سنين رهوان
تجري كما المهرة الرعناء
نسينا الذكرى والماضي
نسينا حتى العادي
نسينا أنفسنا في
الحاضر ال ملوش معنى
ولا حروف وكل ال فيه
بيحكي انه فيه
خوف………
وإيه كان فيها غير جعبة
مليان كاسات صبر
صبرناها وطعم الشوك
بإيدينا زرعناه
وحصدناه نقول مواويل
ولحن الناي
على الأطلال يواسينا
مرت أيام وسنين
عجاف وليالي
بسرعة البرق وال
كان ماسك
دفة المركب ال أنا ركبه
كانت إيدي وحاولت أصارع
الموجه وأحاول أخوض
فيها وأبحر وأمخر عباب
عمقه وأنا صامد وما أهتزش
عشان أجتازها
وأرسى على شطي
وأعدي بسلام تصارعني
وكأني أنا المقصود تغرقني
وال مش ليهم عوزه
تنساهم من.
الحسبه وتفديهم…..
وفي مرة قومت الصبح
من بدري وصليت
ركعتين أتنين لله وأفضفض
وأشكي له رباه أنا عبدك
كواني الشوق وجلدني بكرباجه
فياتخدني وأرتاح يا تعطيني
صبر فوق صبري لكي
أتحمل دمعتهم
المحبوسة من أثر غربة
قد طال مداها في عينيهم.
كواني حناني ال جواي
وحب جارفني ومزحزح
كل أركاني مكنون ليهم
لا أنا قادر أمد خطاي.
والحلم ال كنت فاكره هايبقى
جميل طلع صايص ملوش
طعم ولامذاق عادب
والرسمه ال كنت رسمها
ومخطط ليها بعقلي
وتفكيري……
مزقتها الريح وأخدتها
وهناك في سراب
بعيد نثرتها أشلاء
مقدرتش حتى
أتعدى حدود
نفسي وأنا صالب
طولي بكام همة
يفوت القطر ال مستنيه
ويبعد عن مدى شوفي
ويضرب تلكساته بنغمة
توت توت توت توت توت
أنا القطر.
ال ميلحقنيش عنه
باسيبه وأفوت
ورا قضباني وبعدي
يموت…….
مرت……..
7/4/2023
(ترنيمات وخواطر بقلم………)

(شاعر العاميه/خيرى حسنى)