شطبنا خلاص

خلاص يا قلبي شطبنا

غرامك كان جراح فى جراح

لناس قاسيه

قلوبها مفيش

يادوب بتعيش لحالها

وبس

يعدي الليل وييجي

نهار

ويتعدوا سنين وأيام

مفيش ولا حب ولا

أحلام

وبتعيش الهوي أوهام

وعشت العمر يا قلبي

يادوب للحب

تصون عهدك مع الأحباب

وتفتح باب ،،

وهما بيقفلوا ميت باب

خلاص يا قلبي ملينا

تعبنا خلاص ،،

كفايه،، خداع

يا قلبي ارتاح وريحني

من الأوجاع

تعالي نعيش يومين

في الدنيا وحدينا

بلاش الحيره والأفكار

صبرنا كتير

ولا نلنا

دا حتى الصبر يا قلبي

اشتكي منا

كفايا ياقلبي خلصنا

كتير في الحب أخلصنا

ومين في الدنيا يستاهل

كلام ،،

من غير ولا فايده

نقول في الدنيا ناس صادقة

لكن نفس الكلام ينقال

ونفس الغدر ،،

نفس الحالة والأحوال

ما هيه الدنيا دي مسرح

فصول معدوده ومشاهد

صحيح يتغيروا الأبطال

لكن هيه الفصول هيه

شويه يغيروا الديكورات

ولا فيه نص يتغير ،،

بدايه واحده ونهايه

ستاره تقفل المشهد

ويبدأ من جديد مشهد

َوبعد ما تنتهي الأدوار

نعيدها بذات تفاصيلها

ما تيجي يا قلبي نقفلها

ونمحيها من الأرشيف

قديمه القصه وزمانها

من الماضي،،،،،،

ومش لايق عليها زمان

في كل دقيقه يتغير

وكل جديد بيمحي قديم

ورغم الزحمه والهوجه

فلو فكرت لثواني

تشوف كل الزمان فاضي

عشان فيه القلوب فاضيه

عشان فيه العقول ضلمه

وفيها معششه الخفافيش

كلمات الشاعرة

هالة العكرمي

Hala El Ekremy