كتبت ولاء حجازي الوداع

(الوداع)
ايوة فاكر قلبي يومها
نفس نظرة الوداع
كنت واقفة ويا اختي
قلبنا حاسس ضياع

حتة فارقت فجأة روحنا
واتوجعنا م الفراق
مين اللي هيلملم جروحنا
أو يداوي الاشتياق

مين يعوض حضن ابونا
مين يصبر ع الفراق
والنهاية واحدة لينا
كأس وداير ب الفراق

أيوة نفس النظرة دي
والدموع والكسرة هي
فكرتني بموت ابويا
واختي واقفة جنبي ليا

البنات من بعد ابوهم
حزن ساكن جوة منهم
ايوه حاسس قلبي بيهم
ربي وحده يكون ف عونهم

ده اللي جرب واللي قرب
واللي فارق يوم حبايبه
واللي عيط واللي طبطب
واللي داري حزن قلبه
واللي عاش وملوش حبيب
واللي بيلملم ف غلبه

واللي ياما فيها فارق
واللي عاش وسط المفارق
واللي أصله معتش فارق
واللي مات م الاشتياق
كل يوم أحاسيس تموت
كل يوم بنعيش فراق
حد عايش ولا ميت
النهاية بردوا واحدة
حد فارقنا بمزاجه
واللي فارقنا بوحدة ..

كلمات الشاعرة / ولاء حجازى