كلمات الشاعر … معوض حلمي
… شاعر عامية
إوعـاك حـروفك تجرحك وتنوح
تعيش سنينك عدم حلاوة روح
أحلى الغـناوي لو حـروفها تحن
وتميل تداوي من حشانا جـروح
الكلمه فرحـه عايزه قلـب آمين
تكبر وتطرح ف الفـضا ياسـمين
إوعـاك تسيبها ع الخـدود دمـعه
خليـها شمـعه تهدي ف التايهين
الكلـــمه ممــــكن ترســـمك آيـه
وتشوفها صورتك حلوه ف مرايه
الكلمه قـادره توصـفك بخسـيس
وترسمك إبليس لو خدتها غوايه
الكلـمه عايـقه زي بنــت بنــوت
رقتها نسمه وطايره ف الملكوت
الكلــمه مــره وسـايقه أحــزانها
سنـت سنانها ع الخضار ويمـوت
إوعى الحـروف تخـدعك وتجن
وتعيــش شــــعور الألـــم وتـئن
بعد الحياه الكلمه هى إمتـدادك
لو كان ضميرك مدادك وفكرك سن
الكلـمه صــوره وانت تقاطيـعها
فاياك تسيــبها تهــد وتطيــــعها
خــد بإيـدها وابنـي بيـها الدور
خليـها دسـتور ، للنور وطبـــعها
وحلفت مااكتب كلمه مؤذيه
هاعمل حروفي جسر ومعديه
واقيم ع الجـهل ألف حد وحد
واجمع معاني السعد واعملها بنيه
ــــــــــــــــــــــــــــــــــــــــــــــــــ
كلمات الشاعر
معوض حلمي شاعر عامية
Discussion about this post