كلمات 

الشاعر .. محمد الروبى

منك كتير

تعمل جدع

في زمان مايعرفش الشبع

وتلم من بين الظروف

كل المتاح والمرتجع

علشان تعيش حبة امل

فا تعيش وجع

مسلوبه منك ضحكتك

مسلوبه منك فرحتك

من كل حاجه بتتمنع

ممنوع تقف

ممنوع تعود

تمسك ف ديل حبة وعود

تمسك ف ايد ضربة ودع

تمشي ف سنين غير السنين

تكدب بكيفك تتخدع

ممنوع تشوف تكتب حروف

ممنوع من الصوت والسمع

ممنوع تقوم فيك الحياه

انت استماره بتنطبع

منك كتير

ف ازاي يقوم جواك ضمير

وازاي جدع

وازاي ف عز الجوع

يبان ف عنيك شبع

         كلمات 

الشاعر محمد الروبى