تحياتي وبالتوفيق  …      

شعر /  چيهان النجار

============ 

علي طراطيف 

مشاعري مشيت

 أحسس ع الهوي ف روحك

 مافيش ولاحتة فيها حياه 

انا لفيت بلاد اااالآه 

فاوقعت روحي ف جروحك

بصرف الحب 

عن شعري اللي ف عيونك

قليل البخت مش هيلاقي 

أصلا شئ

تحياتي وبالتوفيق 

* ياماشي وسايب 

الجنة

سلام ع الحب من بعدك

وصلنا لآخر 

الأشواق

هنا آخر كلام بيننا

مادام أخترت 

طعم الليل

ولون الهجر 

بدل الفرح والحنه

براحتك 

يا خليل الروح

انا هارجع لوحدي خلاص

انا عارفة الطرق خطرة

لكن هاخد عينيك حراس

وهاخد م الأمل 

نبراس

وهاخد سيرتك ارميها ف عين الشمس 

يطلع ضيها سنه

وهاعمل من عينيك حواديت

وانام علي ضحكتك 

نناه

هتوحشني لحد الموت

وهاعمل من رجوعك قوت

وانا برضو اللي هستني

تحياتي وبالتوفيق 

بقلم الشاعرة … چيهان النجار