أنا ….مش كدابة

كلمات الشاعر …
رفعت العربي التميمي

مجاراة قصيد الشاعر
والصديق والأخ العزيز زياد رفعت العربى ( الشاعر زياد رفعت ) كلماته أسالت حبر قلمي وحروفي اشتهت أن تتناغم مع حروفه
*************
أنا ….مش كدابة
انا قلبي عمره ما باعك
ولا في يوم عشق غيرك
انت اللي بعت ودورت على الجديد
جريت وراه من غير تفكير

العنين عمرها ما تكذب بس انت معرفت تقرأ
كنت حلمي في الحقيقة والمنام
وتمنيت في يوم يتحقق
الخداع مش من طبعي والصدق مبدئي

الحب مش كلام الحب افعال
وانت طول عمرك تصرفاتك من راسك
لا عايز تروق ولا تفهم ظروف غيرك
عشقي لك عشق الروح للروح
وإزاي الروح تتخلى عن خليلها
حبي لك كان طاهر ماله حدود
بلاش تعاتب على مفيش
الغلط راكبك من راسك لساسك

أنا مش كدابة الكدب طريقه قصير
بس انت تتغابى ومش فاهم انت عايز ايه
فهموك إن الحب لعبة وإن المشاعر مزيفة
تتلون وتتغير
ثقتي في نفسي أكبر من أن تهزها كلمتين
روح يا حبيبي وإسأل ح تعرف أنا مين

خليك بعيد عني وعن طريقي
مش عايزة لعب عيال
اليوم عاشقني وبكرة تتهمني بأبشع الكلام
أنا مش كدابة ولا خداعة
خليك في أوهامك بعيد عني
ويوم تندم متقلش يا ريت الزمن يرجع لوراء
أنا …….مش كدابة

كلمات الشاعرة
مُلك الغزال تونس

لوكا احمد
********************

مبروك عليكي، حُبك التاني،
إمتى هشوفه، زيي بيعاني،
منا كنت زيه في يوم عاشقك وعشقاني.
وقلبك المحروم، من قبله لباني،

وعنيكي غشوني، وغرقت ف أوهامي،
ولا شفت أنا غيرك، جاني في أحلامي.
أتاريكي خداعة ومن بدري بايعاني،
عَدالي بالساعة ييجي غيري تنساني،

قولي لي فين حبك راح ياكدابه،
لما قولتي لي، في عشقي دوابه،
وخلتيني أسهر بالأه وأقول يابا،
على بعدها ماهقدر دي البت جذابه،

طلعتي كدابة، وسيبتيني وحداني،
خسرتي إيه طيب ، وانتي إللي جرحاني،
قلبي أنا أدعى عليه، عشان ليكي وداني،
ولا أقول مبروك على حبك التاني.

كلمات
الشاعر رفعت العربي التميمي