دعاني لبيته …

كلمات الشاعر …
الناصر صلاح الدين

تعقيباً على اغنية السيده ام كلثوم ..
.. ..
((مكة وفيها جبال النور
طالّة على البيت المعمور .. دخلنا باب السلام
غمر قلوبنا السلام بعفو رب غفور
فوقنا حمام الحما عدد نجوم السما
طاير علينا يطوف ألوف تتابع ألوف
طاير يهني الضيوف بالعفو والمرحمة
واللي نظم سيره واحد ما فيش غيره))
~~
..
.. توبى الأبيض
خد زمامى وقالى إنهض ..
.. خد مكانك .. جوا منك روح وقلب وانت حاسس مشتاقين ..
.. بنيه خالصه بس إدعى
وقول يارب ..
.. الملايكة تقول آمين
إشتريلك عمر تانى ..
.. وأما تِصدَق فى الأمانى
.. ليك مكان بين صفوف الصالحين
أرض واسعه ..
.. وفيها صوت بيقولك إسعى
كل ساعى له نصيب ..
.. وأما تبلغ فيها سجده
تنول شفاعه من الحبيب …
.. (محمد . ص) .
.. مكه خيمه مستديمه للقلوب
.. أرض طاهره
أرض فاضت بالمسامحة ..
.. للى ناويه خلاص يتوب
خدت زادى وفى ميعادى ..
.. شوقي سابق طيارات
حلم خطى كل عادى ..
… خطى حتى الروح وسافر
للحمام
.. عند زمزم والآيات المعجزات
عند باب إسمه السلام ..
.. شوف ألوف الخلق
طالبه عفو ربك ..
.. وأما يبكى القلب دمعه
تهز صدرك ..
.. إعرف إن الدمع رقه
و كل رقه جايبه رزق …
.. قول يارب ..
… بص شوف الطير ملايكه محلقين
فوق كتافك آمنين …
.. جنب منك وانت قاعد
وانت راكع وانت ساجد ..
.. حَط حب الحب أرضك
غطي وإملا كل كفك ..
… … بالدعاء
.. خلى قلبك للسما ولفوق يشب
بالتضرع والرجاء …
.. وقول يارب ..
.. قوم وخطي ع الهموم
هو شايفك ..
.. قول وفضفض ع اللى بيك
هو أقرب ليك وسامعك …
.. الغفور الرحيم
إنت ضيفه وربنا دايما كريم ..
.. اللى نادى عليك ..
.. سمعته يوم ما قالك
~~
.. ..
((طاوعني ياعبدى .. طاوعني أنا وحدي ..
. مالك حبيب غيرى . قبلى ولا بعدى
انا اللى أعطيتك من غير ماتتكلم
انا اللى علمتك من غير ماتتعلم
و اللى هديته إليك .. لو تحسبه بإيديك
تشوف جمايلي عليك
من كل شيء أعظم
سلم لنا سلم .. سلم لنا سلم ))
~~
.. ..
~~
.. يارب أنا مسلم ..
يارب أنا صنعك عالم بأسرارى ..
.. وانت اللى مالكنى
انا عبدك ..
.. انا عبد ليك وحدك
قمر ليلك ينورنى …
.. وشمسك نور على نهارى
يارب أنا عبدك ..
.. عبدك أسير أمرك
.. لا خلق فى يوم ها يغنونى
وانا اللى روحى من سرك ..
.. أنا ماعرفش أطيع غير غيرك
إنت اللى علمتنى أنطق واتكلم ..
.. وخلقت فيا الروح أفهم وأتعلم
وانت اللى هادينى …
.. أمشى طريقي إليك
.. أرمي حمولي عليك
جيت لك وانا مسلم ..
~~
.. ..
((جينا على روضه هلا من الجنة
فيها الأحبة تنول كل اللي تتمنى
فيها طرب وسرور وفيها نور على نور
وكاس محبه يدور واللي شرب غنى
وملايكة الرحمٰن كانت لنا ندمان
بالصفح والغفران جاية تبشرنا
يا ريت حبايبنا ينولوا ما نلنا
يا رب توعدهم يا رب يا رب واقبلنا
دعاني لبيته لحد باب بيته))
~~
.. ..
.. ع الكعبه نور على نور ..
.. يمدح إله النور …
.. كل اليمام أبيض حواليها بيكبر
بإسم رب غفور …
.. دمع القلوب يحضر
.. أنا اللى جى أطوف ..
طواف بعزم الروح ..
.. رميت الدنيا و همومي
وانا برمي السبع جمرات …
.. مشبعنى كتبر صومى
… وانا واقف على عرفات
رفعت كفوفى والجبهه …
.. إلى السموات ..
.. مطر نازل كأن البركه
بتطهر من الزلات ..
.. سجدت فى قبلة الروضه
على حته من الجنه ..
.. دعيت لأصحابى وأحبابى
يامين يجي ويتهنى …
.. يشوفها بعينه واتغنى
فى حلاوة النور ..
.. يحس الرحمه بتفرق هَنا وسرور
ملايكه تفوح عبير الصفح والغفران ..
.. كاسات فضه
تصب علينا نتوضى …
.. بنور نفحة من الرحمن
يارب إوعدنى وإقبلنى …
.. أنا جيتك ولبيتك ..
…
كلمات الشاعر
الناصر صلاح الدين