ما تقدرناش

…………..

كلمات الشاعرة 

هيومة حمزة

باكينام حمزه       

وبنسأل ليه

الوِد مابِنا إتباع ببلاش ؟!

.

قضينا معاهم ياما سِنين ،

شارين بمشاعٌر

صَادقة وكاش .. !

ماإتغيرناش …

.

وهَواهُم هو اللي إتغير

والعِشرة إتباعِت والمعرُوف ..

والحَرف الساكِن إطير

وإتخان وإتعلق جنبُه حُروف ! ..

الدُنيا ظُروف ..

.

بَس إحِنا ثبتنا على المَبدأ

وما قصرناش..

حَبينا وبرده فـ الأخِر

ماتقدرناش .. !!

.

بنعاتِب يَومياً رُوحنا ..

إزاي على أغلى الناس بنهُون ،

وإزاي الصُحبه بتجرحنا..

وتِخُون وبتطلع عكس اللون..

.

لو كان ( للصِدق ) لسان أو صُوت

كان عَبر هُو وقال حِكايات ،،

كان فَسر كل شُعور بينا فـ اللمة الحِلوه

وفـ الأوقات..

.

كان لام الناس البياعَة ،،

والدَايس فوق الخِير والحَق ..

كان قال للناس الخَداعَه

بكفايه خِداع أرجُوكم لأ ..

.

إحساس القلب خلاص إتشق

من كُتر ماقابِل من خذلان ،،

من كُتر ماقَدر ، وإتِخدر ب الوش الزايف والبهتان

دا كإن ماكنش مابنا زمان

أحَاسِيس إتعاشِت وياهم ،،

.

معقوله زَعلنا وإحساسنا مش فارق ،

ولا لحظه معاهم ..

لا إشتروا خواطرنا ولا قلوبنا ،

ولا قالوا لكل دموعنا بلاش ،،

وكإن العادي إن نِقدر ونحِب فـ ناس ماتقدرناش ..

ونحب في ناس ماتقدرناش !! .

كلمات الشاعرة

هيومة حمزة

باكينام حمزه