لإنه فعلاً ميت
كلمات الكاتب … محمد مصطفي
لإنه فعلاً ميت
أو جوه سكرة موت
كل إلي عدي في عمره
جنازات كتير بتفوت
انا مت قبلك كتير
مفيش عدد مظبوط
عدي ف أسامي البنات
هتلاقي قلبي طاغوت
حارب سنين عمره
ولا هبش مرة تابوت
فجأة ف وسط الحرب
جيتي ك حتشبسوت
20سنة بتحكمي
سيفك دهب وياقوت
الطعنه صابت قلبي
يا ام الهوي ملكوت
جلاد بيجلد ظهري
حبيت عشانه السوط
أنا كل مصرخ وجع
تقول لي ” عيد الصوت
قلبي الي كله غرور
عملتي منه بيوت
وسكنتي وحدك فيه
وفضلتي بنت بنوت
حبك برغم عنادك
فضّل معاكي الموت
انا لو هموت بإديكـِ
بالله هكون مبسوط
كلمات
الكاتب محمد مصطفي
