القــَـاِهـــــــــــــــــــــــــــرَة

كلمات الشاعر الخال …
حسنين السيد حسنين

.. ِولأنـِّـنَا – يَاقاهرة – كُنـَّـا الاجَابَة والسُّؤَال ،
ِولأننا كُنـَّـا المَسَافة بين طمُوِحك ْ ،
والطـَّـريق ِللإكتمَال ..
أو بين طِريقنا للرَّدَى !!
اتـْـقفــِّـِلتْ – طـُـول المَدَى – كُل البيبَان ِفى ِوشِّـــنََا :
بَاب الفتـُـوح ،
وبَاب زِويلة ،
ِوالغـَـفير
حَتَّى ( بَاب النَّصْر ) – ِمن سِكِّـتـْـنَا – ضَاع ..
ِبين اللى سَاِوم ِوالـِّـلى بَاع ِوالـِّـلى انـْـحَنَى ؛
أو بين فلوُل جيش الرَّعَاع والأدْعِيَا
حَتىَّ ( قمَرْنَا ) لمَّا قرَّبْ ِيكتِمل ،
ِوتكتِحلْ عِـين الصَّبَايَا بالضِّيَا :
اللى انفتح بينى وبينك – ِللأسَف ْ–
بَاب الــــوَدَاع !!

***

ولأننا – يَاقاِهرة – لَحْم الدَّوَايرْ والخُطـُـوط ،
ولأننا ..
فوُق الشـُّــطوُط مَاشيين حَيَارى ،
وفى القصَايدْ ِنرسِمـكْ :
مَالقيتش غير عسكَرْ ونيـل بيقِـْـسِمكْ ..
بَاعِدْ مَابين الضَّــفتين ،
والأخطبوُط لفلفْ عَليكى وْجَنـْـدِلكْ !!

( ف ) نـْـزلْت باب الْخلـْـق أَبْحَثْ عَنْ أثرْ شبَابيك قُدَام ؛
( أرَابيسْك ) مَنقـُـوش ِبِالصَّـدَفْ ..
أطـُـلْ ِمنـْـهَا عَ التـَّـاريخ اللى انحَرَفْ بيه المَسَار ،
وَارْصُدْ خـَـبَايَا الانكسار : فكْر وْعَلَـمْ
مَالقيتـْـش غير بَيَّــاع عَجُووووووز ..
ِِبيبيع نايَات ..
مَالْهَاش نـَــغَمْ !

قرَّبْت ِمـنــُّـه أسأله :
– إوْصفْ لى سُوق الخَشـَّـابين والنحَّاسين ..
– تقصُدْ تقـُـول النخـَّـاسين ؟
مش هوَّ دَه برضه الطلبْ ؟
مَطرَحْ مَاتمشى ( حَ ) تلاقيهُم ْمَوْجُودين
– أنا قصدى …
– قصدك ع الجبين ..
بس ( المثلث ) اتقلب !!
فمشيت حزيـــ ـ ـ ـ ـ ـ ـ ـ ـ ـن
ِمشيت حزيــ ـ ـ ـ ـن
يَــا…
.. قـَـاِهــــرَة !!

كلمات الشاعر الخال
حسنين السيد حسنين

Hassanien El-Sayed