مين أنا

كلمات الشاعر
المهندس / إسماعيل منصور
بتسأليني
مين أنا
أنا كل صفحة في الرواية
بداية كانت
أو نهاية
علي السطور تلقي إسمي
في الكلام تلقي وصفي
وكلمتي
بطل الرواية
فاصلة كانت ولا نقطة
همزة كانت أو حتي شرطة
كل حرف حتة مني
عقلي قاله
نطقه قلبي
وحبرها كان هو دمي
ولو مرة فكرة
جت في عقلك أو خيالك
تلقاها مني من البداية
أنا إمبارح
أنا بكره
بس عايش النهاردة
عشت فيه لحظة حلوة
من عيني نزلت دمعة مرة
بس أقول لك علي الصراحة
نفسي أصرخ ألف مرة
وأكتب صرختي في الرواية
مين أنا
أنا
كل صفحة في الرواية
بداية كانت
أو نهاية