واهي ايام وبنعيشها

كلمات الشاعر
محمد شافعى حسن

واهي ايام وبنعيشها وبنقضيها بطول او عرض
واهي دنيا وشاغلانا ولاهيانا كتير عن بعض
واهي ذكري ولما بنفتكر ماضي نقول كان ماضي
وعدي َ وكان
لكنه مش مجرد ماضي ده عمر من حياتنا انفض
حياتنا كسبحة حباتها بتفرط كل يوم فرط
بنجري فيها بالتوهه ولاحاسين بطعم الفرح ولاحاسين بطعم حياة. حياتنا كحلم مش واضح له نهاية ولا واضح له حد
بقينا بنسعي لاذيه بعضنا للبعض
بنقرا كل يوم ونشوف عجايب ليها شعرنا بيشيب
وطعنه بتجيلك من حد كنت فاكره قريب
وصاحب تمد له ايدك بالخير يردعليك خيرك ده بالعض
ونتفاجا ونستغرب بقينا ليه بنتسابق سوا في العض
زماننا ولا ماضينا بقينا اساتذه في فن الشو والتمثيل كثير على بعض ومعظمنا بقيينا اساتذة عرض
قلوبنا اتملت قسوة وراح خوفنا خلاص علي بعض
وكله بقي يقول نفسي بقينا اسين كتير علي بعض
فين لمتنا زي زمان.واحساسنا ببعضنا لبعض
فين النخوة والهمة وفين خوفنا اللي كان علي بعض