تؤأم الروح..

تؤأم الروح..

كلمات الشاعرة سناء البنا

وإيه ممكن يكون يعني؟!
ما بين بعدك
وبين قلبي اللي واجعني

قابلتك صدفه ولقيتك
شبيه الروح
وجوا القلب خبيتك
بقيت الروح
بلاقي في سكتي طيفك
منين ما بروح
ومن غير حتى ما أتكلم
بتفهمني وتسمعني.

عشقت العشق من روحك
ومن بوحك بادوب ف هواك
وعشت في كل تفاصيلك
عشقت الكون مدام وياك
يسيبني قلبي ويجيلك
عشان يفضل تملي معاك
ولما أبعد بعيد عنك
حنيني بيك يجمعني
عنيا غير عنيك إنت
ما بتشوفشي
وأنا جنبك بكون في أمان وما بخافشي
هخاف من إيه وطيفك
ضلي لما أمشي؟!
وما أحلمشي
لمرة في حلمي تدارى
والاقي الحلم يفزعني
يا قلبي والحبيب لسه
معاك روحي تكون حاسة
ولا هنساك ولا هانسى
حياتي بعيشها من قربك
وأموت لو يوم تودعني

كلمات الشاعرة
سناء البنا