فى محطة مصر

بقلم … طاهر الشيخ

ناس بالطيبه مليانه
وناس شقيانه تعبانه
وناس رايحه وناس جايه
وناس تايهه مدريانه

وام ع الرصيف قعده
وسط دموعها غرقانه
بتنادي بصوت منبوح
امك يابني غرقانه

سايبني لوحدي ليه تايها
في وسط الزحمه واللمه
وسط ناس مافيها رحمه
يابني بسرعه تعالي

شفها غريب منكوبه
في اديها ورقه مكتوبه
كاتبها ابنها بايده
لدار مسنين ودوها

عليه العوض فينا
بقينا نبيع فبعضينا
بنرمي لحمنا ع الارض
وبكره الدور جاي علينا

مهنش عليه وهو غريب
ولا هو ابنها ولا قريب
ولا شاف منها ف يوم طيبه
و لا كانت لجرحه طبيب

فحضنه خدها وضمها
بكت عنيه فحضنها
ولسانه م الوجع تقل
و هو شايف دمعها

ارحمنا يارب برحمتك
وارحم شبتنا بقوتك
وهون علينا دنيتك
وارزقنا يارب جنتك
ـ
طاهر الشيخ