يوليو إلياذة للشوق
يوليو إلياذة للشوق
عيشها لما الكون يضيق…
جوا صبرك….
زي لمسه من نبي
واعمل غبي
خليك لآخر لحظه….
جواها الحبيب…
افضل صبي
و ارسم ملامحك ف الطريق…
الخوف نجاة
والشوق غريق…
والبحر كان عاشق تفاصيل الوجع
قرر يكمل فاصطدم
باللي رجع
الشعر دين…
والموج براح المغرمين…
والدنيا واخداك صدرها
أصلك جدع
وملكش ف التلوين…
يوم ما العيون….
تحتار ما بين…
الأصل و الصورة
ركز ف آخر لمستين…
اسأل سجودك دعوتين…
احرص على ليلك…
ليبات وحيد…
جوا العنين…
مااللوم عنيد….
والدنيا واخدانا ببند التسلية
مش مغرية
فكرة بحبك
والسما مافيهاش مطر
مش مغرية
أزرع ما أزرع…
مايجنيش يوم أحصده
وإن جه خطر
معقولة بعد السعي ماتجيش تروية
كلمات الشاعر
محمد خليفة
