لم ولن يرحل
لم ولن يرحل
مين قال إن الغالي بيرحل
لأ لأ… دا مكانه ببصماته هيفضل
وإحنا هنعيش كدا نستناه
يمكن راح يبعد كدا حبه
طب بص ف قلبي أكيد تلقاه
الجرح بينزف لو غاب يوم
وإزاي دا يروح وأنا مش لقياه
طب حد يقوله الروح وياه
وإن مينفعشي أعيش بعده
أو حد يقوله كمان يرجع
وانا بس خلاص مش راح اناهده
أنا بس بشوف اد ايه حبي
أنا كنت بسوق ف دلالي عليه
أنا قولت ادلع على حسه
اهو والله ابويا واخد حسه
ط…ب.. يرجع هو
فداه عمري
مش عارف ان حياتي عليه
أو فاكر لما أبوس إيده
واتمنى أوصل من عمري اديه
مالها الدنيا قلبت فجأه
ودفاها دا راح
وشتاها اللي أنا كدا مبحبوش
جالي وفجأه
علشان الغالي مشي وسابني
وانا هستناه لو طول عمري
دا أبويا الغالي كدا وضلي
ولاحدش في الدنيا فاضلي
ليجيني ياناس كدا لهروح له
ما أنا عايشه بدونه كأني بموت
إن موت ف بعده اكون صادقه
كلمات
الشاعرة شيرين عبد السلام
