كان لازمني ضربة جامده
لأجل من غيبوبتي أفوق
كان لازمني الجرح ينزف
والوجع يبقالو صوت
المرار في الصبر دقته
والهموم نصبتلي سوق
رغم غيم وهمك و ظلمه
قلبي كان ساكن برأتة
لسه متعلق في طيبته
مشتهيك وبرغم خيبته
رابطه لسه ب الف طوق
أنت طبعك أيه ياجاحد
جوه منك عشت أجاهد
شوفت في القسوه مراحل
مالها من حدك حدود
كان لازمني أفوق بجد
وأبني لك فى القلب سد
يمنع الوجع الرهيب
كنت بزرع في المحبه
وادهن القسوه بموده
تطرح الشك المريب
كنت بكدب جوه صدقي
واتهم قلبي ومشاعري
إن ذنبك مش في حقي
و إن شكي بدون دليل
كل ماتزيد القساوه
قلبي يصرخ د الحبيب
كلمات الشاعر
وحيد علي الجمال
Discussion about this post