وحّدوووه

وحدووووووووووووه

ما تصلوا يا خلق يا هووه
احنا فى رمضان حبووه
لياليه دايما معدودة
وياريت بالصوم ….تصــــونوه

الدنيا اتقلت خيـــرها
والناس بتبص لغيرها
والكل أهو قال عدِلها
والاخ بياكل أخوه
وحدووووووووووه

وحد ربك واستغفـر
على ايه ماشى بتتمختــــر
دى الحاله دى مش مضبوطة
طب لية بتنام وتشخر

اسعى لربــك وادعــــى له
لو فية محتاج ..إديله
دى الدنيا مهياش دايـمة
والهم ياريت تفوتوه
وحدوووووووووووووه

وحِد ربك يا أخينا
وبلاها خناق وضغينة
ده الغلا طاحن فـ ولادنا
م الهم احنا استكفينا
وحدوووووووه

إدعي لربك واتمني
قرآن والصوم تتهني
أنا وانت نخش الجنة
وشيطانا يلعن أبوووه
وحدوووووووه

كلمات الشاعرة
ميمي محمود عبدالجليل