يونيو 23, 2023الحديث« بحر الأحلام » للشاعرة مروة أحمد طليس … الرئيسية رواد الشعر الحديث « بحر الأحلام » للشاعرة مروة أحمد طليس … بحر الأحلام … كلمات الشاعرة مروة أحمد طليس على بعد المدى السارح ف بحر الكون سرحت شويه بخيالى حلمت اكون اميرة فى بحر احلامك وفجر جديد لأيامك وتعشق كل تفاصيلى كما المجنون اسأل عنى كل حروفك كل معانى جوا قصايد حب اتقالت كل دقة قلب عزفت على الوتر موال حزين اما بيها الدنيا مالت كل ليل بيحضن الشمس المهاجرة جوا احضان القمر كل فجر صبح يسلم ع العيون اللى كحلها السهر هيقولى انى نبض روحك اللى عايش جوا روحى من سنين انى نور ضلمة سنينك فرحة العمر اللى جاية تخضر القلب الحزين ف سيبنى ف سيبنى اعيش جواك شويه والمس الاحلام بأيدى وامشى جواك عمرى كله اطرد الخوف اللى سكنك وازرع الافراح غناوى سيبنى اشوف نفسى ف عيونك نور يزيد النور لكونك سيبنى ارسم جوا قلبك كل سراديب الحياة ابقى ليكى فرحة سنينك وتبقى ليا طوق نجاه دا انت غير ..انت خير رسمه وشه الابتسامه عمرك انت ما كنت ليا سد خانه انت فجر صبح يسلم على الندى انت حاله مش عاديه انت عمرى اللى ابتدا كلمات الشاعرة مروة أحمد طليس Marwaa Ahmed المقالة السابقة أحد مشاهير العرب أعجبته بنت عمه ... المقالة التالية وزير الصحة يتفقد مجمع الشفاء الطبي ببورسعيد..
