التجاوز إلى المحتوى
كلمات الشاعر
السيد طه
حداية طايرة
ف السما
قابلت غراب ..!
قالت له أهلاً
باللي أنا وهو
ف عذاب
عندي سؤال إنما
يحير عقول
خلاني طايرة
مبلمة
والعقل غاب
ليه ابن آدم
عننا دايماً
يقول
إن آنا باخطف
رزقهم
من كل باب
مع إنهم
راشقين ف لحم
بعضهم
ميت ألف ناب
وإزاي كمان لما
يشوفوك
يتشائموا ليه
ويحسسوك
إنك دليل الاكتئاب
وانت اللي
علمت البشر
سر الطهارة والكفن
وإزاي يداروا
كل مخزون العفن
اللي ف قلوبهم
تحت أكوام التراب ..!!!؟؟؟؟
**************
كلمات الشاعر
السيد طه
