التجاوز إلى المحتوى
كلمات
الشاعر … محمد حراز
مستحيل هلاقي راحتي
جوه دايرةمستحيل
طول ماخطوة عمري طولها الف ميل
مستحيل الشمس تعرف
يوم طريقي
طول ماليل الحزن مكتوبلي سبيل
المعاني الحلوه معكوس اتجاهها
والاماني ضاع بقي حق اكتمالها
والسنين الحلوه ماتت
جوه عمرى
والدموع للأسف ميزة جمالها
الوجع والظلم ليا رتبوه
وبلغات الدنيا دمعي ترجموه
ناس في عمري للأسف
بقي من سنين
حلم عمري موتوه
ابتديت ارجع وأعيد الحلم تاني
بس روح الحلم فيا جسدها فاني
واللي جاي من عمري ميت
جوه أحلام الأغاني
كلمات
الشاعر محمد حراز
