كلمات الشاعرة
شيرين عبد السلام
ميلاد جديد …
عارف لما الحب يحاوطك
يملى الدنيا دي خير وأمان
عارف لما النبض يسابقك
يزرع قلبك كله حنان
والزهرة اللي رويتها بإيدك
قدام عينك طارحة جنان
إشي بالفل وبالياسمين
والود ف كل الميادين
وكمان عطرك فايح ريحته
وحبايب قلبك كدا جانبك
فرحة عينهم طلة وبتوزع ف حنين
حاجة بصراحة تسر العين
أنا مهما أحكي يا ناس ما أوفي
ولا يكفيني كتابة يومين
شوفت الدنيا دي لما بتضحك
وإنت معاها مولود تاني …
مولود تاني بعمر جديد
والفرح يتفرق عناقيد
كل الدفا موجود وحبايبك
بتغني بحرفك أناشيد
كل نجوم الكون دي بتلمع
حتى قمرنا بضيه سعيد
قلبك طاير كدا م الفرحة
صوت النبض كمان بيزيد
وكأنه بنفسه ولحاله
عمال للفرحة دي بيعيد
كلمات الشاعرة
شيرين عبد السلام
