غُــربـة

غُــربـة

*

الفجر شقشق والنهار غرَّب

والنور بيبعد لما بنقرب

فارس زمان ..

رافض يكون فارس

ومن الميدان

قرر يشوف مهْرب

*

دنيتنا غابة

بس مش ظاهرة

فيها الديابة

بتركب الـمُـهرة

وبتعوي حتى

نخش فـ جحورنا

والحر فينا طق ..

مـ الحسرة

*

يا فجر شقشق

وانتظر للنور

يـا نهار تمهل

واكشف المستور

خايف علينا ..

يكون علينا الدور

تيجي كلابهم

عـ الوشوش تضرب

*

الفجر شقشق

والنهار غرّب

والنور بيبعد لما بنقرب

*

كلمات

الشاعر فضل عثمان أبوحريرة