التجاوز إلى المحتوى
كلمات الشاعر
اسماعيل عبدالهادي…
*( الست المصرية )*…
***********
طول عمر الست المصريه
معدنها طيب وأصيل
في الشده تلقاها قويه
تسند ضهرك لما يميل
من زمان حره وعفيه
في الحنان ملهاش مثيل
زي الأرض الخضره الحلوه
راسها فوق زي النخيل
حكمت ملكت كل قلوبنا
شاركت قاسمت كل ألمنا
تضحك مهما تشيل أحمال
تفرح لما تشوف لمتنا
دايما صابره وراضيه بحب
هي الدفا والخير ف حياتنا
بين ايديها اجمل حضن
من دعاها كان نجاحنا
تسلمي يام الدنيا يامصر
بنتك دايما سابقه العصر
ف العلوم والفنون والبيوت
ليها الصداره وكل فخر
تعيشي ياست يامصريه
يا اصيله يا حره وأبيه
بقلبي دايما ح ادعيلك
واشيلك انا جوه عنيه
********
كلمات الشاعر
اسماعيل عبدالهادي
