قالتلي خليك إمليح..

شعر: بلقاسم بن سعيد
مدينة سوسه – تونس

شعر شعبي
قالتلي خليك إمليح…
شعر: بلقاسم بن سعيد
قالتلي خليك إمليح…. ما تكونش مشحاح
قلتلها خليني إصريح. في حبك مرتاح
كريم ياسر مانيش إشحيح
في العصر المشحاح
مكرمني عمري ما إنطيح
أو مكرمها لرواح
آش أغلى من حب إصحيح
إيطيرني بلا جناح
نسريلك … و الدنيا ريح
بخيالي الطلفاح
و نعدي… بر. إضحاضيح
في ظلمه وصباح
لو تدري… حبي بصحيح
ما… كيفاش إرباح
إيجي المال أو يغدى و يريح
أو ما إيداوى لجراح
بلقاسم …. للعز إيميح
سعيدي ناس إملاح

شعر: بلقاسم بن سعيد
مدينة سوسه-تونس