أمل ورجوع …

كلمات الشاعر … أحمد ماهر المسلم

كنت أشكيلك
شوق ومحبه.
ونار ودموع.
كان الدم
بيجري ف حُبه.
قاد لهيب
وعذاب وشموع.
حمل وشيلته
وزمان وللى.
ما بين ماضي وحاضر
وألم مسموع.
سيرتك ليا
صحت فيا
شجن موجوع.
كنت أشكيلك
عن نار حيرتي.
كنت أحكيلك
عاللي في قلبي.
دا اللي هاويته
حبك ليا
وكان من بدري.
بحلم تيجي
تخدني في حضنك.
ويبقى أمل ورجوع.
إنت الحلم
اللي انا عيشته.
إنت الحب
اللي انا شوفته.
قلبي الصادق
أنا صدقته.
ليه بناديك
وكُلي دموع.
هجرك ليا
كان من بدري.
أثر فيا
أنا وف قلبي.
يا للي فراقك ليا
كان موجوع.
إتحملت كتير
على شانك.
مين حَبَّك
قدي وصانك.
قلبي بيبكي
عليك بخشوع

كلمات
الشاعر أحمد ماهر المسلم