كلمات الشاعر 

رأفت عبد العال

حسبة  …

لميت بقايا الصبر وعملت منهم باب

يمكن تفوت الشمس وتحرق العتمه

في ناس تقوللك فوت زي الزمن وافنى

وناس تقول هلفوت ما عنده ولا فكرة

وعشان اتوه في السكة والموال

هدوا جبال الصبر ولاموني

والسكة يا أحباب محتاجة (١٠٠) أيوب

قطر الحقيقة يا ناس تايه عن الفكرة

والخطوة خطوة غريب غرقانة في العتمة

مع إني كنت شجاع ملاح فارس كما عنتر

صبحت انا المغلوب حاير مع الذكرى

الأصل حي يموت ولا نموت نحيا

سؤال وهاتلي الرد لتتوه عن الرحلة

امسك زمام الحق واتحنى بالفكرة

ياما قولتلك حاسب ده العمر بقى حسبة

ما تعيششي يوم هلفوت ولا تبات تحلم

ايوب زمانة راح وفضللنا العبره

  كلمات الشاعر 

رأفت عبد العال