كان يحدفني بشوك الورد
كان يحدفني بشوك الورد
ارشه بعطره
يبعت وش الكُره رساله
ارد بشكره
علشان عارفه حقيقة قلبه
غيرته وحبه
شايفه ف عينه نار اللهفه
ريحتي في حضنه
هو بينكر
حتى بيحلف
لكن العيِّل يكشف كذبه
يرد بقسوه
ويهددني تملي ببعده
بس يفوز القلب بقربه
يرجع تاني ونرسي ف شطه
يزرع قلب الرمله قصور
اهد السور
ارسم فجر بنكهة وشه
مدي وجزري يصاحب قمره
يكبر تاني الحب ما بينا
نقطف ثمرُه
خايفاه يقلِب
يجي حسود ويعكر صفوه
جري أهاجم وادخل حضنه
يغرق وسط العشق دفاعه
يعزف سيل ألحان على خده
مسعودة جادالله
من ديواني عصافير الجنه ام فيونكه
