وخمرة ملحمة دمعك
وخمرة ملحمة دمعك
عشان كدبك مهوش أسوّد
بترسم عشق ضُليلة
لحدوتك
دخولك مشهد المعنىٰ
وعين الشمس في عيونك
بتحلب جوا ننك شوف
وخمرة ملحمة دمعك
بتسقي النبض صبّاحي
ما يشْرَقش الفؤاد
محظوظ
بحالة رفضُه يتنشّق
على مُنكر
يسوّد وشُّه جواتك
ولو ما يبانش قدّام
اللي سرقوا الشعر
من عينك
عشان قال ايه
يشوفوا الصورة معدولة
ولو مرّة في سكة بحثهم عن وهم
مش أهازيج معتّقها
بزغللتك
ومش مضطّر تبني قصيدة عمياني
ووعيك فيها مش حاضر
يدل الحلم على عنوان
محل إقامة التغريد
صلاة بوحك
شجون أحاسيسك
اللي الناي بيرقيها
من الأشباه ..
ومن فعل النشاز بيهم
بيطفيهم ..
حضورك والمجاز وهواك
تقيد للموعودين برؤاك
كفاف شوقهم
ينجّوا حنينهم اللي البحر ما استغلاش
عليه ملحه!!
وبيدوقوا احتياج
روحهم
لكدبك الابيض البفتة
وانت ف ذمّة الغربة
جنايني حياة
نغم باتع
ولسه بيدبحوه جواك !!
كلمات الشاعر
حمدان حلمي
