قلب بلا روح …

بقلم .. صبري رسلان

قلب بلا روح (712)

…………….

لا شوفت منك يوم هنا 

فدادين آسيه 

والقلب بور ييجي كام

سنه عطشان لمايه

كلما أضحك وأبتسم 

تبكي فى عينيه 

والحزن علم ع الخدود 

والليل دموعه عليك شهود 

ما تحس بيه 

ده الليل نسيت همسه ودفاه 

والحلم تاه في طريق لقاه 

والشوق بيحلف يوم 

ما جاه غريب عليه 

لا كان لي الصبر 

في يوم دوا 

ولا رد روحي غرام هواه

ونسيت ما عاد قلبي معاه 

لجفاه ضحيه

صدقت عيني خلاص مضيت

على البعاد عنك رسيت

وشطبت عنواني ولغيت

ضعفي اللي فيه 

ووداع يا جرح سنين وجع 

لا هحن تاني إن يوم رجع 

وأبني فى جدار بينا وسدود 

وأدفن في ذكرى وليل وعود 

وأعزف نغم بكمان وعود

وأفرش لك يا بكره الورود

إن روحي جوايا تعود

وأحس بيا

بقلم .. صبري رسلان