تعبت …

كلمات الشاعرة 

جيهان النجار

تعبت …

============

تعبت ونمت مقتولة…. 

وجاب الحلم بعض حاجات.

ومن ضمن آمنا الغولة

وجاب الحلم نظريات…وجاب أحضان علي قُبلات

وجاب حاجة بعيد عن دولا….. وعن دولا

لقيت ف الحلم..حضن جميل…وشوفت التجربة الأولى 

سمعت وحشتيني الأولى رميت نفسي 

ف قلب عنيك وروحت بعيد اشوف حالي…لقيت الشوق 

بقى غالي بقيت النظرة تساوي حياه

وانا… وقلبي مابينا خلاف هو يقولي 

يالا نقوم…وانا مش قادرة اصلي باخاف

ومش عايزة اقوم م الحلم عايزة افضل هنا علشان لقيت ف الحلم الف عواف فخليني… بلاش تيجي تصحيني

جميل الموت في أحضانك بلاش ترجع 

وتحييني.

تعبت ونمت  

وروحت أعيش

ياريت الدنيا تتعطل ومتزورنيش..فخليني هنا أحسن..هنا الدنيا كأنها من حياه تانية..مافيش فيها وجع…..ولاخوف…ولا

فيها حبيب مابيسبنيش

ولا بيخون

ولا بيهون

ولا مرة هيخذلني

مهما يكون.

كلمات الشاعرة 

جيهان النجار