ساعات المحبة

ساعات المحبة تبان ف الكلام

ساعات تانية تظهر ف فعل وعلام

وبتسيب ملامح

ف يومنا اللي طارح

وتفرش مطارح بضي إبتسام

وانا بين دروبك لاقيتك مداوي

سقتني التسامح ف صيغة غناوي

وفدان حكاوي زرعته بكفوفك ..

تبان فيه بتعزق وتروي بحروفك

أشوفك مجمع چينات الحبايب

إضاءات تسمع بين الناس سيرتنا

تبان رب أسرة حريص ع اللي غايب

وخايف علينا وتملي محاوطنا

تصالح مابينا ف سوء التفاهم ..

وحاسس بحالنا بوعيك وفاهم

ولادك تلاتة ف كشف الحكومة

وكشف المودة ولادك ألوووف

مابينا جميعا مافيش الخصومة

ولا شوفنا مرة ولا راح نشوف ..

غير الحب ظاهر ماهواش تظاهر

يا ناصع وطاهر وقلبك مدينة  ..

من الأنسانية وبالعلم زينة

تعيش وانت دايما مضلل علينا

ويوم عيد ميلادك عرفناه وجينا

نقولك جميعاً ميلادك سعيد

وندعي بقلوبنا سنينك تزيد

محبة وفرحة وعــمرٌ طويل

دي نبزة بسيطة لرد الجميل

تعيش وانت فاتح ببانك ضيافة

يا رمز الثقافة …

كلمات الشاعر

عبدالله نظير

AbduAllah Ali Nazeer

إهداء إلى الأديب الكبير

أحمد إسماعيل إسماعيل

بمناسبه عيد ميلاده