مسافر خلاص …

بقلم … الشاعر عماد شكري حجازي 

……. مسافر خلاص…….

أنا مسافر ومش راجع 

خلاص خلصت حكايتي 

ودمع العين على فراقكم روايتي 

أنادي بأعلى صوت يمكن 

هتنسوني

وتنسوا ألف حرف زرعته جواكم مرايتي 

فين انعكاسات الألم وضحكه 

مخطوفه مني غصب عني

 ووطن كتبته كل قصايدي هدايتي

آه م الاحلام فعلا عمرها قصير 

ماتت على الشباك استنفذت

 صرخات 

الدعوه كانت أمل وضحكه 

مرسومه 

لكن حلم الغريب مسلوب

 وتتفسر الكوابيس

حقبة ألم بالكوم والختام

 عسرة ألم جوايا يتفجر 

وذكرى طفوله على المدى 

كان ماضي متخدر 

خلاص مسافر خلاص

 وهكتب على جدار الروح 

وصاية قلم مخدوع

 بعمر عليل خلصت منه 

المسام 

النفس جوه صدر النشيد 

كان نظره تتنهد 

لكن خلاص انكتب ختام

 للدم في الشريان 

خلصت حكاية طفل عاش

 جوه نفسه نضال

 اتمنى يوم يكتب لوطنه

 ديوان يفجر الأحلام 

 واقع مع الأزمان لكن مصير 

نضاله فجر بعيد عن الإتيان 

كفايه عليا خلاص

 قدامكو باتحسر 

على همس مني عليل 

ملهوش مأوى مثيل 

وكل البدايات شبعت من القناعات

 ووعود بتتنصل من عهد 

متسطر 

خلاص مسافر والدمع متفجر 

سيول تروي ندم أماني وحنين 

أكثر 

خلاص مسافر عنكم وتارك

 جواكم كلمه 

وصيتي الأيام وكام قصيد

 وديوان 

وصيتي ماتنام عني قلوبكم دعوه بتغني 

وتفتكر كلمات وكام همسي

 اللي فات 

وصيتي قلبي وحبي ليكم 

ودعوة الخير لقلوبكم وفرحة 

الذوبان 

وصيتي الأوطان ودين حنيف

 بنيان

 وقرأن رب رحيم عهد جنات الرحمن 

وصيتي الإنسان والحق كل أوان 

وصيتي إلهام عمر رشيد 

البيان 

وصيتي السلام لكل أرواحكم 

سلام 

     سلام سلام سلام 

بقلم … الشاعر عماد شكري حجازي 

السبت 1/6/2024