لو …

لو عايذ تكون أقوى
شوف التقوى. و اعملها
بالتقوى تكون أقوى
على الدنيا و عمايلها
بالحسنى عاملها
و المايله إعدلها
و الناشفة طرى لها
و القسوة حن لها
و ببسمة حايلها
و إمسك لسانك عن جيرانك و عن عيوب الناس
و ابعد عن اللى مرة خانك
فيه الخيانة أساس
و كون حساس
اللى ما ترضاه فى أهلك
ما ترضيهوش للناس
و اللى مش ملكك بتاعك
بعرق جبينك و بدراعك
يحرم عليك يكون متاعك
لو جنة ما تنداس
و إدى فرصة للى باعك
مش ضعف و لا قُصر فى دراعك
يا يحن تانى و يشتريك
يا يبان لكل الناس
التقوى خاف الله
و اللى يخاف م الله
ما يخافشى يوم م الناس.

كلمات
الشاعرالغنائى طه علي الدين