كلمات الشاعرة 

عزة أحمدابوزيد ابوزيد

البعد

عُمره ما بينسّي

بيزود جوانا الأشواق

 وساعات ..

بلاقيني امسك قلمي

واكتب كلمة … 

بكفاية فُراق

 وازيّن اسمك بحروف نور

وارسم جواه بحنين القلب 

 قلوب وحاجات 

والقلب الناطق وبحُبك 

يصرخ وينادي عليك

 سلامات 

على قلب أهو شايل كام نبضه

 بتموت ف اليوم مليون مرة .. 

وساعات بزعل

وكتير فعلا ..

قالوا أسيبك

وقالوا لي كمان

 بكرة تلاقي غيره حبيبك 

وازاي هانسي قلب عشاني 

عاش في النبضة ..

 مشي في وريدي

بيصحّيني من عز النوم 

ويقول وحشاني

 وازيد كام آهة عليه. م القلب 

وم التنهيد 

طب انسي ازاي والحب ملاني

 واتغزّل جوا ف وجداني 

كل اما افتح الشات الاقيه

 بيقول ياحبيبتي 

وحشاني

ما تقولشي مين فينا مفارق إحساس كان فينا بيتاخد 

وحاجات كات دايما وجعاني 

قلبي بيصرخ ..

نبضي بيبكي 

وعيونك بتقول لي

تعالي

طب قول لي

 ازاي راح اصبر واستني 

وانت اللي مالكني قلب وبيت 

اول كلمة ونطقها القلب 

بيقول يا حبيبي

 انا حبيبت

تفاصيلك كلها حافظاها  

بالملي جواك عايشاها

وتصدق لو يوم سألوني 

عن أصغر تفاصيل تفاصيلك

راح اقولها من قلبي تملي

قلبي وعارفاه ..

دا ميزان حسّاس 

وبيعرف ذوقك وميولك 

من دون الناس

      كلمات الشاعرة 

عزة أحمدابوزيد ابوزيد