بقيت وحدة تانية …

بقلم … علي بدر سليمان

انت اللي زيك مايتنسيش

حبيبي ايه خلاك تسيبني

انا كنت واخداك في حضني

والنهار ده جاي تقولي عفوا

بعدت عنك على شان اعيش

تبعد تفارق انا كنت غافية

جوه قلبك انا جدا غالية

لو تحبني بجد ارجع تاني

عشان انا بقيت وحدة تانية

طول الوقت و بكل ثانية

طيفك جوايا مايفارقنيش

ظروفك المرة عيشني بيها

ولو حلوة بردو انت محليها

بس على شانك خفق قلبي

وحاجه غيرك ماتساويش

انسى اللي جاي واللي فات

خلينا نعيش أجمل حياة

هي الدنيا كلها حلم وسنين

تعدي واحنا خلاص مافيش

خلينا نرجع كل الثواني

انسى المر افتكر الأماني

انا وانت والجو جناني

دا الحب كلو احنا حنعيش