كلمات الشاعرة 

 عفاف أحمد التركى

لمّا (س) زي (ص) زي (ع)

يبقي حل اللغز ..فين؟

يبقي لازم ..وضع قاعدة

بدون قلق..وبدون مناهدة

نطبّق الاحكام ونطلع..بالمفيد

يُحكي ان الرمز (س)

كان عنيد..

وان (ص) مالهوش جديد

وان (ع ) فات في الحديد

وما همّهووووش..

وان زي القاعدة ..قلنا

نضرب الناتج في نفسه..

ما نرحموووش

وزي بعضه نضيف له..أٌسْ

لو جزرك التكعيبي ..1/2

وشُفت حلّك..هُس ُهُس

انطق انت وقول..ورايا

يُحكي ..وعارفين الحكاية 

جيبنا..ساسها..

ومين اساسها..

ومين بكل هدوء ..فقسها

ومين معايا ومييييين معايا

يبقي نرسم دايرة واحدة..

جوا منها 3 دواير..

فيها قُطر موازي طبعا..

بيمر يقطع (س) في (م)

ويمر يقطع (ص) في (ج)..

ويمّد خطُه..المستقيم

يلقي (ع ) زاويتها ..حادة 

يقلب البسط..بمقام

يختصر ..من ناحية واحدة..

تتزحم بالمعطيااات..

نفترض ال (ج)..بسالب

وان (م) موجب وسالب

يبقي ولذلك..نطالب

شيفت بااي جزر..بسُكات

يطلع البرهان..رقات

بما ان….. 

(س) هنا. ب=(ص) ب=(0)

وان (ع) ب=(1)

وان (ج) و(م) شواهد

ف ..اذن

كان محيط الدايرة …وهمي

يبقي ليه بترشق..في سهمي

وانت مش أد ارتشااااق

لو جنانك..نظمي فهمي

يبقي ..عقلك كان نفاق

المعادلة ..سهلة خالص..

مش،عويصة

والرموز خمسة ببريزة

وبكرة شبرا..تعادي جيزة 

وتنبسط خالتك بولاااق

ابتديت يا حلو…كمممممّل..

لو نفد صبرك..هاحمّممل

6جيجا..ع الهواء..

والهدية..ابليكيشن 

يمنع الكذب..بغباء..

انتهي وقت المحاضرة..

والدور عليكم …

في البكاء.

………………………………..

    كلمات الشاعرة 

 عفاف أحمد التركى