كلمات الشاعرة 

فاطمة الزامل

حب عمري …

ياللى كنت حب عمرى

        ليه تبيع الحب بدرى 

ليه تخونّني ليه ظالمنى 

             سهم صاب قلبي وجرحنى لادبحنى 

قاسى ليه حتى فى قرارك

        ليه كوتنى بجمر نارك نزلت دموعى من سكات

       نار بتكوى فى الضلوع

واتشكلت كل الاهات 

       جوه العيون ومافيش رجوع  

والحزن ساد والذكريات

     الحلوة ليه صبحت رماد ياكل لحظة امنيات 

           ياكل لحظة حنينة

انا عايشة اه إنما من غير حياة 

          الجرح واصل منتهاه 

انا اليتيمة بدون هواك 

       والقلب موجوع م الفراق

ليه العناد .. ليه البعاد 

         فين العهود ويا الوعود 

خلاص نسيت.. 

      طب يا ترى هتكون سعيد 

طب هى شكلى فيها مني 

   أو ملامحي؟ واخده طبعى

طب بس قول كان صوتها 

      فيه نفس الحنان

طب زى صوتى ماافتكرش!

     لما كنت باكلمك كنت تقول

لأ كمان اتكلمي صوتك نغم ناي وياعود وياالكمان                                                                                                                                                                                                                                                                                                       

      مشتاق لهمسك والحنان

مشتاق لحضنك والأمان

فيها الأمان ؟؟

       ياخسارة الحب اللى كان

م النهاردة ومن سكات باتمني قلبي اللي انجرح

           يدعي لقلبك بالفرح

لكن بقي حظك كدا انا قلبي مات.

كلمات الشاعرة 

فاطمة الزامل

Fatma Mansour