بقلم الشاعر … هانى صلاح الدين

تسمحيلي!!!

تسمحيلي بعد إذنك 

أحكي ليكي عن مشاعري

ولا هتقوليلي أمشي 

قبل ما أتكلم أو أحكي

تسمحيلي برقصه حلوه 

ولا أكتب ليكي غنوه

نفسي أقولك إنتي حلوه

وأحلي من كل البشر

تسمحيلي بوعد يوصل

من قلوبنا للقمر ❤️

تسمحيلي بعد إذنك

نشرب الشاي في المطر ☕

وأرسمك بنوته حلوه 

تشبه الليل والقمر

تسمحيلي تسمعيني

قبل ما يصيبنا الخطر

تسمحيلي يا اغلى حاجه

من حبها نطق الحجر 

تسمحيلي بعد إذنك

نمشي ع البحر في سُكات

وأنسى بيكي ماضي عدا

وتنسى بيا وقت فات

تسمحيلي بعهد يفضل

في المشاعر للممات

تسمحيلي بعد إذنك

نسرق الضحكه لساعات

تسمحيلي!!!

بقلم الشاعر … هانى صلاح الدين

Hany salah eldin