حكاية. “مرڨوم أمّ عيشه”

                     بقلمي … كمال المبروك 

حكاية بنادم كي مرڨوم أمَّ عيشه

من صبحها لمساها ما تخطاه

والليل بسلطان النوم

جاب جيوشه

تنساه وقت النوم

تفيق ما تلقاه تعود تغزل

وتقول زعمه اللي صار كان منامه

واتعِيدْ يا مضنوني من البدايه

وكل يوم تصنع مرڨوم أمّ عيشه

و تفيق ما تلقاه تزيد تعاود

مرڨومها حكايات ما تتعاود

كل يوم زينه ومعاه أشكاله

قدّاش يا مرڨوم صبرت عليها

ترجى خرجتك للسوق والدلاله

والأيام يا الإخوان داله بداله

لا دايمه الأفراح ولا الأحزانه

مع كل فجر حكايه تنسجها

ومن غدوه تعيدها ع الجُرْه

لا فارقت البيت لا باعته

وأحلامها كل يوم داله بداله

والأحلام ما فاتتها

وبالحلم والمرڨوم عيشه بيّه.

كمال المبروك

مع تحياتي.