أحبك وأعشقك ضله …

كلمات الشاعر … نسيم الزراع
………
وعاش صوتك
نغم ساري في وجداني
ماليش غيرك ومش قادر
بإني أنط واتشعبط
علي سورك يامنعاني
ياضوء هاجر
بتكويني لتكوينك
بتكويني نيران بعدك
ومن بعدي علي وعدي
يكون حارس علي عينك
إذا ضمت رموشك حلمنا السارح
مابين بكره اللي كان راسم
شجر طارح علي جبينك
ودمعه ضمها جفنك
ف ليل عينك
يا أجمل مابدر فجري
نجوم في الحي
ياروحي وكل ماليا يابنت الضي
أنا من غير صهيل نبضك
بدون حبك أكيد مش حي
ياصوت مخلوط ف وجداني
ناديت ياني فرد صداه
علي وداني
وقال مش جاي
وداس بحوافر الرهبه حاجات صعبه
وفوق صدري وشم صورتك
وكات سيرتك عبير منقوش
بعطر النور وريق الضي
هوا قلبي خلاص سلم
ودفة مركبي مالت
وموج البعد حال بينا
يا موت منقوش علي جبيننا
غرق روحي دا شيئ مكتوب
أحبك واعشقك ضله
وأموت بيكي بدون عله
وبين صدك ونار بعدك
أكون مصلوب
وشمسك غايبه عن عنيني
بتكويني ومش هاله
……..
كلمات الشاعر
نسيم الزراع