العبارة الرئيسية …

كلمات الشاعر … جلال عبدالله

العبارة الرئيسية …
ماهو نور الحب دا ليه كرامات..
من قصيدة للصديق مجدي سرحان…
_______________________
لليل سمار عارفين بابه
دراويش بيخطوا على اعتابه
راضيين راسيين ديما دقيين
بمحبة وشوق على ابوابه
ويدوبوا في حبه ومايتوبوا
والعمر يعدي كأنه ساعات
ماهو نور الحب دا ليه كرامات
_____________________
العتمة في ليل رغم سوادها بتونس ناس
وبتستر فيها حاجات وحاجات
مين قال في دروب الليل متاهات
الليل متونس بصحابه ومنقي من الناس احبابه
فيه صنف محدد ليه بالذات
بيدور على أهل القلب
على ناس مليانه بنور الحب
شياب والحب مابينهم شب
صافيين ومافيش فيهم سوئات
سهارة الليل وحيارى الليل
سكتهم سالكة بلامطبات
ماهو نور الحب دا ليه كرامات
بيونسوا بعض وفي عز البعد
يلاقوا القرب
ناس صافية ماتعرفش الحركات
ماهو نور الحب دا ليه كرامات
________________________
وصحاب الليل ناس اصحاب وعد
بيوفوا وعودهم بذيادة
والليل يجمعهم يتأنسوا
فابيصبح سهر الليل عادة
يتقابلوا اوام فابيتعارفوا
وعيونهم للحب شهادة
تأكيد ومؤكد وأكادة
الحب بيهديهم نفحات
ماهو نور الحب دا ليه كرامات