ما أكثر خيراتك يا بلادي …

رفيق بالرزاقة / تونس 🇹🇳

تونس الخضراء العربية اﻷبية.
أيقونة للجمال و الخضرة البهية.
و هي تاج عروسة المتوسط المسمية.
موقعها المتميز في قلب الكرة اﻷرضية.
رجالها و نساها عايشين عيشة هنية.
و شهرتها بالخضرة و الحضارات عالمية.
قرطاج و دقة و الجم و تونس جملية.
سيدي بوسعيد و المرسى و المهدية.
نابل و بنزرت و صفاقس العاصمة اﻹقتصادية.
و انقى ماء و اصفى هواء عند الزغاونية
و قفصة و قبلي و توزر الجنوبية.
بخيراتها و حضاراتها و بالتمر متسمية.
و واحتها و مزارعها و الحياة الطبيعية.
و اجمل جزيرة الأحلام و السحر جربة.
و جزر قرقنة و معاها زمبرة وجالطة.
تطاوين و برج الخضراء و رمالها الصحراوية.
و دوز المشهورة بمهرجانها و فنونها الشعبية.
مطماطة فاقت شهرتها البلدان بحضارتها البربرية.
تونس من باجة للكاف مطمورة روما بالسنبلة الذهبية…

و القمح اﻷصفر يكفي التوانسة جملية.
و منزل بوزلفة بقوارصها مشهورة بالعالمية.
و رمان بني خلاد معروف و معاه كتانة
عند القوابسية.
و القصرين و سبيطلة و آثارها الرومانية
و زيد هندي تالة يا وكالة.
سيدي بو زيد و سليانة و القيروان الأغلبية
و قرنبالية عنبها بنين منذ الفترة اﻹستعمارية.
و المنستير و سوسة و المهدية الفاطمية.
و محمد الصفار ولد خالي ساهر في الهوارية.
مع العايلة يترشفوا في الشاي بالكاكوية.
و حليب و أجبان ماطر اﻷول في القارة اﻹفرقية.
و قوارصنا و دقلتنا و زيتنا و هريستنا النابلية.
تلقاها معروضة في أكبر الفضاءات التجارية.
و في برشة مراكز تسوق أوروبية و خليجية
و تنجم تشري الخيرات في أسواقنا الشعبية
و تعبي قفتك كل جمعة بمائة دينار و مية.
بالطبيعة بالخضرة الفرشك و الغلة الشهية.
و اللحم و السمك و الدجاج متوفر بأكبر كمية.
و تشري كل يوم خبزة سخونة طويلة
و ﻻ دائرية
و تعمر سيارتك و تتنقل في الصباح والعشية
و تقري أوﻻدك في المدارس الخاصة
و الحكومية
و في العطل الرسمية يمارسوا اﻷنشطة الثقافية
و يجددوا طاقتهم يوم اﻷحد في الملاعب الرياضية
تونسنا الغالية مرت عليها حضارات عالمية.
البربرية و الرومانية و القرطاجية.
و معاها اﻷندلسية و اﻹسلامية و العثمانية.
و خلطت عليهم الفاطمية و الحفصية
و الفرنسية.
تونس من عهد بربروس و حنبعل و عليسة.
و إبن خلدون و خير الدين باشا و عقبة
و أبو زمعة البلوي سفير للأمة المحمدية.
بلادنا العريقة و الجميلة عندها ثقافة فسيفسائية.
و شهرتها بفنونها و صناعاتها التقليدية.
تجاوزت المغرب العربي للدول المشرقية.
و اﻷوروبية و أمريكا الشمالية و الجنوبية.
و وصلت لكل دول القارة اﻵسيوية.
و السياح يقصدوها من القارات الخمسة
باش يتمتعوا بشمسها و رمالها الذهبية.
و شطوطها المزيانة و المرغوبة.
من الشعوب العربية والإسلامية
و اﻹسكندنافية.
و نزلها الفاخرة و موانيها البحرية
و التجارية.
و معاهم أعز تجمعات و فيلات سكانية.
و على طول السواحل أرقى القرى السياحية.
و هذا بكلو مدون في الكتب و الصحافة العالمية.
و في الصحف و النشريات و المواقع اﻹجتماعية
و المدونين و أنا منهم دائما نكتب في الصحافة
اﻷلكترونية و الصفحات الفايسبوكية.
و نروجوا لسياحتنا الناجحة بقدرة
رب البرية.
و ها اﻹرهاب ماهو إﻻ ظاهرة دولية.
و بفضل رجال تونس و نساها و جنودنا اﻷبية.
و رجال اﻷمن و حراس حدودنا البرية
و البحرية.
و الجوية ﻻزم نقضي على الظاهرة اﻹرهابية.
و ترجع تونس ألي بكلنا نعرفوها و نحبوها
من الكبير للصغير درة الدول العربية.
و في النهاية نتمنى الخير لينا و للأمة جملية.
بجاه رب العالمين و السيرة النبوية.
من رفيق بالرزاقة ليكم الكل أحبتي أجمل تحية.