لسا اللمون عطشان بقلم الشاعر نسيم الزراع

لسه اللمون عطشان

طاب كنتي قولتي..
إن انتي مش فاكره
وان الحياه راح تنتهي بكره
أو كنتي سيبتي للأمل ذكري
هو اللي حب صحيح
يقدر ف يوم يكره
ولا ف يوم يقدر
إنه يعيش مرتاح
مركب وشده الريح
لجزيرة الأشباح
وانا اللي كان قلبي
وقت الغرق مجداف
واقف ف عز الليل
فارس وعمره ماخاف
ولا عمره حس البرد
ولا هزته نوه
واقف ف وش الشرد
بيعدي بالقوه
لكن ف ساح البوح
وعنيكي بتصلي
واديكي بتملس
ع النبض ف الشريان
تدخل براح الروح
تتبدل الأكوان
تخجل عنيكي والعرق
بيصب من فوقك
يفتح معالم للغنا
والورد مال نشوان
طرحه ف خدودك ظهر
واتدلي م الأغصان
طعم الندي وقت أما كنا
مدثرين بالشوق
لسه ف شفايفك من حلاوته
حاجات
جواكي لسه ف الضلوع مشقوق
والوقت كان يجري
ويسابق النبضات
وف لحظه تعتذري
وتقولي وقتنا فات
بس ف نفس الوقت
راح نلتقي تاني
…..آخر لقا بينا
مين اللي كان جاني
شجر اللمون اللي ابتدي
وقت اللقا يطرح
أصبح حزين دبلان
لساه مضلل بالغرام مطرح
بس اللمون زعلان
دمع العيون اللي ف بعدك
أصبح بحور وغيطان
بل الشجر والطين
والنبت صار فدادين
بس اللمون عطشان

كلمات الشاعر
نسيم الزراع