الصحبة مش بالكلام
الصحبة مش بالكلام
فيه ناس تصحبك على عيبك
وتضحك عليك
وهى عايزة اللى فى جيبك
تقولك يا صاحبى انا حبيبك
ووقت الجد تبيعك وتسيبك
وناس تصاحبك علشان قرشك
ولو خلص قرشك ما تعرفكش
وناس تحلفلك إنها بتحبك
وفى أول محنة تجرح قلبك
يا صاحبى لو ناوى تصاحب
اختار اللى وقت الشدة يصاحب
اللى تلاقيه جنبك فى ضيقك
مش اللى يختفى لما المصالح تنتهى
يا ناس يا عالم يا بشر
جرالكم إيه؟
بقى الوفا عيب واندفن
والغدر بقى عادى ليه؟
راح زمن المخلصين
راح زمن الطيبين
بقى الأخ يبيع أخوه
عشان المصلحه
بقى الضحك كله تمثيل
والحب بقى كلام جميل
واللى يقولك أنا سندك
أول ما تحتاجه يبقى مستحيل
خاف من عدوك مرة واحدة
ومن القريب ألف مرة
أصل الغريب لو خانك
تقول نصيب… وتعدى المرة
لكن القريب لو غدر
يوجعك ألف مرة
عارف مدخل قلبك فين
ويضربك فى نفس الضربة
عملوا حبايبك وقريبين
وقالوا :
إحنا ليك مخلصين
ولما الدنيا ضاقت عليك
لقيتهم أول الهاربين
كانوا وقت فرحك حواليك
وقت حزنك بقوا غايبين
كانوا بيقولوا :
إحنا إخوات
طلعوا إخوات بس بالكلام
يا دنيا كفاية غدر
كفاية وجع ومرار
كل ما ندى أمان لحد
يرد الأمان بانكسار
أنا مش زعلان من الغريب
الغريب عمره ما كان حبيب
أنا زعلان من اللى قال :
أنا أخوك .. وطلع نصيب
زعلان من اللى كان قريب
وباع العِشرة بأرخص تمن
ومن اللى شاف دمع عينى
وقال :
وانا مالى؟
يا صاحبى خليك تقيل
ومتفتحش قلبك لكل دخيل
مش كل واحد طبطب عليك
يبقى صاحب أصيل
الصحبة مش صورة وابتسامة
ولا كلمة حلوة فى الزحمة
الصحبة موقف وقت الأزمة
والراجل يبان وقت الصدمة
واللى يصونك صونه العمر
واللى يخونك سيبه يروح
متجريش ورا اللى باعك
ده اللى باعك عمره ما يصونك
وخلى كرامتك فوق الناس
ولا يوم ترخصها لحد
اللى اختارك وقت ضعفك
ده صاحب يتصاحب والباقى عدد
راح زمن الطيبين
لكن لسه الخير موجود
ولو الدنيا مليانة غدارين
أكيد لسه فيها قلوب
من ذهب موجودين
واللى جرحك سيبه لربنا
هو أعلم بالقلوب وبالنيات
ومتقولش :
خسرت صاحب
قول :
ربنا كشفلى الحكايات
أصل بعض الناس فى حياتك
مش أصحاب … دول دروس
يعلموك متديش أمانك
للى قلبه مليان فلوس
والخاتمة يا ناس اسمعوها
وخلوها فى القلب عنوان :
مش كل قريب يبقى صاحب
ومش كل صاحب يبقى أمان
الحن طليس
رفعت للتصميم
