ولسه الندر حيّاني
ولسه الندر حيّاني
بوقة شجو جواني
وكحل في هونُه متحوّج
وشمع فتيلُه بات قصة
سرور تاني
بحرقُه لأجل
وصل يزور
نايات كل اللي بيناموا
على الغُصّة بلحن أليم
ولسه الندر حيّاني!
بحلم تليد ومين يرقيه
بنور بنّور
في قلب احتلُه شوق
مبدور
ينبّت في الضلام نجمات
تهدهد وجد كان معذور
نده للسمرا ع الكورنيش
رمت له اليشمك الحشمة
وقف يبكيه
لآخر زقزقة عصفور
في آخر وش للمسافات
مداه يحكيه
لفرع كافور
وحيد زيّيه
بفعل الغربة في المواويل
مواويله اللي بتنسّم
مجي الصبح يتكلّم
عن الحنة ..
وعن فتح الدلال شبابيك
وجايز تبقىٰ ع الجنة
إذا كانت وجيعة الروح
على حب الندى المسفوح
وع الزيتون
ومين في الضُهر شاف بعيون
وتر شاعر ..
بريّاح الهوىٰ المأنون
يا غنّيوتي :
يا ساكنة الحلق
يا حكايتي
من اول ما ابتديت ارسم
ورود بشذاها للإنسان
وأنا وانتي ..
مشكّلنا التعب مقاتيل
صحيح الشعر للمصابيح
مهوش للي بيطفيهم
حليب الشمس في قصيدتي
كلمات الشاعر
حمدان حلمي
رفعت للتصميم
